पाकिस्तानी सेनाको आक्रमणबाट भारतीय गोर्खा सैनिकमा कार्यरत हवल्दार शम्भु गुरुङको मृत्यु भएको छ । उनी भारतीय सेनाको ३/३ जीआरमा कार्यरत रहेको जनाइएको छ ।

गोर्खाका गुरुङको पाकिस्तानी सेनाको आक्रमणबाट लाइन अफ कन्ट्रोल (एलओसी)अन्तर्गत नौसेरा रजौरी सेक्टरमा मृत्यु भएको इन्डियन गोर्खाले जनाएको छ । गुरुङको शव आवश्यक प्रक्रियाका लागि नौशेरामा राखिएको छ ।

नौसेरा सेक्टरमा ड्युटीको क्रममा रहेका गुरुङलाई पाकिस्तानी सेनाले गएराति चलाएको गोली लागेको भारतीय सेनाका लेफ्टिनेन्ट कर्णेल देवेन्द्र आनन्दले पुष्टि गरेका छन् । उनले हवल्दार गुरुङ एक इमान्दार र बहादुर सिपाही भएको उल्लेख गरेका छन् ।

प्रकाशित समय १४:५६ बजे