गत असार २४ गते सिन्धुपाल्चोकको बाह्रबिसेस्थित जम्मु क्षेत्रमा आएको बाढीपहिरोका पीडितहरुलाई शुभेच्छुक हातहरु नामक संस्थाले राहत प्रदान गरेको छ ।

मंगलबार बाह्रबिसेमा आयोजित राहत वितरण कार्यक्रममा पीडित ३२ परिवारलाई दाल, चामल, तेल, चिउरालगायत करिब ६० हजार रुपैयाँ बराबरको खाद्यसामग्री वितरण गरिएको संस्थाका अध्यक्ष खडानन्द घोरासैनीले जानकारी दिए । अध्यक्ष घोरासैनीका अनुसार संस्थाका सल्लाहकारहरु अमेरिका निवासी केशव राज भट्टराई र शिशिर पोखरेलको आर्थिक सहयोगमा उक्त सामग्री खरिद गरिएको हो ।

भक्तपुरको सुर्यविनायकमा रहेको संस्थाले आगामी दिनमा पनि यस किसिमको सहयोगलाई निरन्तरता दिने अध्यक्ष घोरासैनीले बताए ।

प्रकाशित समय १९:५९ बजे