विश्वभर कोरोनाभाइरस (कोभिड– १९)बाट संक्रमित भएकामध्ये ९६ प्रतिशत डिस्चार्ज भएका छन् । संक्रमितमध्ये हालसम्म ३ करोड ३५ लाख ३३ हजार ५२ जना कोरोनामुक्त भएको वल्र्डोमिटरले उल्लेख गरेको छ ।

विश्वभर ११ लाख २२ हजारभन्दा बढीले कोरोनाका कारण ज्यान गुमाएका छन् । बितेका २४ घण्टाभित्र मात्रै विभिन्न देशमा ४ हजार ३८९ जनाको मृत्यु भएको छ । हालसम्म विश्वभर मृत्यु हुनेको कुल संख्या ११ लाख २२ हजार ९९२ पुगेको छ । यो मृतक संख्या कुल संक्रमितको ४ प्रतिशत हो । पछिल्लो तथ्यांकअनुसार विश्वभर संक्रमित हुनेको संख्या ४ करोड ६४ लाख ८५ हजार २७ जना छ । गएको २४ घण्टामा ३ लाख ३७ हजार ८५४ जना संक्रमित थपिएका छन् ।

सबैभन्दा बढी अमेरिकामा संक्रमितको संख्या ८४ लाख ५६ हजार ६५३ रहेको छ । गएको २४ घण्टामा अमेरिकामा थप ५७ हजार ३२७ जनामा संक्रमण पुष्टि भएको छ । त्यस्तै कोरोनाबाट हालसम्म अमेरिकामा २ लाख २५ हजार २२२ जनाको मृत्यु भएको छ ।

भारतमा संसारमै दोस्रो बढी संक्रमित रहेका छन् । त्यहाँ संक्रमतिको संख्या ७५ लाख ९४ हजार ७३६ जना पुगेको छ । भारतमा हालसम्म कोरोनाबाट एक लाख १५ हजार २३६ जनाले ज्यान गुमाएका छन् ।

प्रकाशित समय १२:४६ बजे