राष्ट्रिय जनमोर्चा सुदूरपश्चिम प्रदेश समितिले बैतडीमा बलात्कारपछि हत्या गरिएकी किशोरी भागरथी भट्टको निष्पक्ष छानविन गरि हत्यारालाई कडा कारबाही गर्न  माग गरेको छ ।

एक विज्ञप्ति जारी गर्दै हत्यारालाई कडा कारबाही गर्न  माग गरेको हो । बिहीबार बैतडीको दोगडाकेदार ७ को सनातन धर्म माविमा अध्ययनरत १७ वर्षीया किशोरी भट्टको लबदेब सामुदायिक वनमा शव फेला परेको थियो ।

१२ कक्षामा अध्ययनरत भट्ट विद्यालयबाट नफर्केपछि खोजी गर्दा जंगलमा शव फेला परेको थियो । सोही घटनालाई लिएर सम्पूर्ण विद्यार्थी संगठनहरुले सत्यतथ्य छानविन गर्न माग गर्दै विभिन्न ठाउँमा प्रदर्शन गरिरहेका छन् । राष्ट्रिय जनमोर्चा सुदूरपश्चिम समितिले पनि सो घटना सुनेर आफ्नो पार्टी स्तब्ध भएको जनाएको छ ।

अध्यक्ष नन्दराज भट्टद्वारा जारी गरिएको विज्ञप्तिमा भनिएको छ, ‘देशका विभिन्न भागहरुमा बलात्कारजन्य अपराधहरु दिनदिनै घटिरहेका छन् । कञ्चनपुरमा निर्मला पन्तका हत्याराहरुलाई सरकारले अहिलेसम्म कानुनको कठघरामा ल्या उन सकेको छैन । यो घटनाले पनि दोस्रो निर्मला हुन्छ की भन्ने शंका उत्पन्न भएको छ । त्यसैले दोषीको खोज तलास गरी दोषीलाई कडा कारबाही गर्न राष्ट्रिय जनमोर्चा माग गर्दछ ।’

प्रकाशित समय १४:०५ बजे