गृहपृष्ठ कालिमाटीका थप ५१ स्टल खारेज, २५ वटालाई सफाइ

कालिमाटीका थप ५१ स्टल खारेज, २५ वटालाई सफाइ

kalimativegetables फाइल फाेटाे ।

कालिमाटी तरकारी बजारका ५१ स्टल खारेज भएका छन् । कालिमाटी फलफूल तथा तरकारी बजार विकास समितिले स्टलहरु खारेज गर्ने निर्णय गरेपछि ती स्टलहरु खारेज भएका हुन् ।

कृषि तथा पशुपंक्षी विकास मन्त्रालयका प्रवक्ता तेजबहादुर सुवेदीका अनुसार बैठकले २५ वटा स्टललाई सफाइ दिने र सामान्य त्रुटी देखिएका १६ वटा स्टललाई खारेज नगरी थप कागजात माग गर्ने निर्णय गरेको छ ।

मन्त्रालयले गरेको अनुगमनका क्रममा तरकारी बजारको ९८ वटा स्टल रातो सूचीमा परेका थिए । तीमध्ये यसअघि नै ६ वटा खारेजीमा परीसकेका छन् । रातो सूचीमा परेपछि स्पष्टिकरण सोधिएको सबै ९८ स्टल सञ्चालकमध्ये चित्तबुझ्दो जवाफ नदिएका स्टल खारेज गरिएको कृषि मन्त्रालयले जनाएको छ ।

न्युनतम १० हजारदेखि २० हजारसम्म स्टल भाडा तोकिएकोमा यी मध्येका धेरैले ४ देखि ५ लाख रुपैयाँसम्म लिएरै अर्कैलाई पसल चलाउन दिएको अनुगमनका क्रममा पाइएको मन्त्रालयले जनाएको छ ।

प्रकाशित समय १८:५७ बजे

प्रतिक्रिया दिनुहोस्

सम्बन्धित शीर्षकहरु