पूर्व–पश्चिम राजमार्गअन्तर्गत नवलपरासीको मध्यविन्दु नगरपालिका–११ कुसुण्डेमा रात्रिबस दुर्घटना हुँदा ३२ यात्रु घाइते भएका छन् ।

काठमाडाैँबाट दाङका लागि छुटेको ना ६ ख ९२८ नम्बरको यात्रुवाहक बस गए राति विपरीत दिशाबाट आउँदै गरेको आरजे १४ जिसी ३८४९ नम्बरको को भारतीय ट्रकसँग जुध्दा बस सडकदेखि ५० मिटर तल खसेको थियो ।

बसमा ६० यात्रु सवार रहेको जिल्ला प्रहरी कार्यालयले जनाएको छ । घाइतेमध्ये १३ जनाको पुरानो मेडिकल कलेज भरतपुरमा उपचार भइरहेको छ भने अन्य १९ को स्थानीय मेडिकलमा उपचार भइरहेको छ ।

दुर्घटनापछि राजमार्ग एकतर्फी रूपमा सञ्चालनमा रहेको प्रहरीले जनाएको छ ।

प्रकाशित समय ०८:५४ बजे