गृहपृष्ठ गुडिरहेको बसबाट खस्दा सहचालकको मृत्यु
गुडिरहेको बसबाट खस्दा सहचालकको मृत्यु
सांकेतिक तस्बिर
भक्तपुर मध्यपुरथिमि नगरपालिका–३ गठ्ठाघरमा सोमबार बसबाट खस्दा सहचालकको मृत्यु भएको छ ।
बागबजारबाट सरस्वतीखेल चल्ने बा४ख ३१९१ नं को गुडिरहेको बसको पछाडि भर्याङबाट खस्दा अन्दाजी २०–२२ वर्षका सहचालकको मृत्यु भएको हो ।
उनको पहिचान खुल्न नसकेको महानगरीय प्रहरी वृत्त थिमिका प्रमुख प्रहरी नायव उपरीक्षक मिलन केसीले बताएका छन् । सहचालकबारे चालक भक्तपुर नगरपालिका–३ सुकुलढोकाका सुन्दर कर्माचार्यलाई समेत थाहा नभएको केसीको भनाइ छ । कर्माचार्यलाई नियन्त्रणमा लिई अनुसन्धान थालिएको छ ।
प्रकाशित समय ०८:४४ बजे

















