क्रिस्चियन धर्मको प्रचार गर्दै हिडेको आरोपमा प्रहरीले बुटवलको मोतिपूर क्षेत्रबाट दुई विदेसी सहित चार जनालाई पक्राउ गरेको छ । पक्राउ पर्नेमा जापानी नागरिक ४९ वर्षीय यासुको ओवा र ४५ बर्षीय मारी इक्युरा, गोरखा बारपाक घर भइ हाल बुटवल ९ सुख्खा नगर बस्ने ३५ वर्षीय तिर्थमाया घले, रुपन्देही तिलोत्तमा नगरपालिका नयाँ मिल बस्ने २५ वर्षीय पुष्पा घिमिरे रहेका छन् ।

बुटवल १७ मोतिपुर क्षेत्रको सुकुम्बासी बस्तीका गरिव परिवारलाई हिन्दु धर्मको बिरोध गर्दै क्रिस्चियन धर्मको प्रचार गरिरहेको अवस्थामा उनिहरुलाई प्रहरीले पक्राउ गरेको हो । उनीहरुमाथी अनुसन्धान भइरहेको वडा प्रहरी कार्यालय बुटवल रामनगरका प्रहरी निरीक्षक हेमबहादुर केसीले जानकारी दिए ।

प्रकाशित समय १३:४१ बजे