भारतीय भन्सारले पेट्रोलियम पदार्थ बोकेका १४० वटा ट्याङ्कर रुपैडिया नाकामा रोकेको छ । अनलाइन सेवामा समस्या देखिएको भन्दै पेट्रोलियम पदार्थ बोकेका १४० वटा ट्याङ्कर रुपैडिया नाकामा रोकेको हो ।

‘ट्याङ्करसँगै फलफूल र तरकारी बोकेका ट्रक पनि दुई दिनदेखि उतै रोकिएको छ’ नेपालगञ्ज भन्सार कार्यालयका भन्सार अधिकृत शरदकुमार केसीले भने ।

उनका अनुसार फलफूल र तरकारी गाडी प्रक्रिया मिलाएर छोड्ने सहमति भए पनि पेट्रोलियम पदार्थ बोकेका ट्याङ्कर भने अनलाइन सेवा सञ्चालन नभएसम्म ल्याउन सकिदैन ।

भारतले भन्सारमा अनलाइन प्रविधि लागू गरेपछि विभिन्न समयमा नाकामा अवरोध हुँदै आएको छ ।

प्रकाशित समय १३:१५ बजे