कार्यालय समयमा छोरीले आफ्नो कुर्सीमा बसेर तास खेलिरहेको फोटो भाइरल बनेपछि सुनसरीको दुहबी नगरपालिकाका प्रशासकीय अधिकृत खेमराज ओझाले आफूबाट गल्ती भएको स्वीकार गरेका छन् । मंगलबार कार्यालय समयमा प्रशासकीय अधिकृतको कुर्सीमा बसेर एक बालिका तास खेल्दै गरेको फोटो खिचेर एकजना सेवाग्राहीले फेसबुकमा पोस्ट गरिदिएका थिए ।

अधिकृतको कुर्सीमा बसेर कम्युटरमा तास खेल्ने उनै ओझाकी छोरी खुसी (नाम) थिइन् । ‘मेरो र मेयरसा’बको कार्यकक्ष जोडिएको छ, म मेयरसा’बसँग मिटिङमा थिएँ,’ प्रशासकीय अधिकृत ओझाले न्युजकारोबारसँग भने, ‘मैले छोरी बस्दै गर्नु भनेको थिएँ, उनी कम्युटरमा तास खेल्न थालिछन्, अनजान बालिका हुन्, गल्ती मबाटै भएको हो ।’

प्रकाशित समय १६:५३ बजे