काठमाडौंको सुन्धारास्थित काठमाडौं मलनजिक ट्यांकरले मोटरसाइकललाई ठक्कर दिँदा एक युवतीको मृत्यु भएको छ । ना. २ ख ४२२२ नम्बरको ट्यांकरले बा. ३७ प ११६६ नम्बरको मोटरसाइकललाई ठक्कर दिँदा काँडाघारीकी २३ वर्षीया सुनिता खत्रीको मृत्यु भएको हो ।

दुर्घटनामा मोटरसाइकल चालक रामशरण केसी घाइते भएको प्रहरीले जनाएको छ । उनको ट्रमा सेन्टरमा उपचार भइरहेको प्रहरीले जानकारी दिएको छ । मोटरसाइकललाई ठक्कर दिने ट्यांकर र चालकलाई प्रहरीले नियन्त्रणमा लिएको छ ।

प्रकाशित समय १२:४३ बजे