घूस लिएको अभियोगमा बाराको महागढीमाई नगरपालिका–६ का वडाध्यक्ष रामजीप्रसाद बरैविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ ।

बरैले संसद् विकास कोषबाट प्राप्त भएको विद्यालयको ‘कम्पाउण्ड वाल’ बनाउन उपभोक्ता समिकिो अध्यक्ष बनाइदिने भन्दै २ लाख ७५ हजार रुपैयाँ घूस मागेको अख्तियारको भनाइ छ । हेटौंडाबाट गएको आयोगको टोलीले घुस लिँदालिँदै बरैलाई पक्राउ गरेको हो । अख्तियारले बरैविरुद्ध बिगो असुल र कैद सजायको माग गर्दै मुद्दा दायर गरेको छ ।

प्रकाशित समय ०६:५७ बजे