गृहपृष्ठ सप्तरीमा अजिंगर भेटियो
सप्तरीमा अजिंगर भेटियो
सप्तरीमा लोपोन्मुख प्रजातिको अजिंगर फेला परेको छ । हनुमाननगर कंकालिनी नगरपालिका-१२ कोशी बाँधमा गए राति १५ किलोको अजिंगर फेला परेको हो ।
स्थानीयवासीले कोशी बाँधमा अजिंगर देखेपछि नजिकैको इलाका प्रहरी कार्यालय हनुमाननगरलाई खबर गरेका थिए । प्रहरीले अजिंगर नियन्त्रणमा लिई इलाका प्रहरी कार्यालय हनुमाननगरमा राखेको छ । यसअघि शनिबार तिलाठी कोइलाडी गाउँपालिका-१ तिलाठीमा करीब सात फिट लामो र १२ किलो तौल भएको अजिंगर फेला परेको थियो ।
प्रकाशित समय ०९:३३ बजे

















