उद्योग, वाणिज्य तथा आपूर्ति मन्त्रालयका सचिव बैकुण्ठ अर्यालले बजारमा सामान अभाव नभएको बताएका छन् । उनका अनुसार बजारमा अहिले दैनिक उपभोग्य वस्तु नुन, चिनी, चामाल, दाल, ग्याँस आदिको अभाव छैन ।

कोरोनाको विषयमा अनावश्यक भ्रम सिर्जना गरेर मानिसहरुलाई त्रासमा पारेको उनले बताए । ‘उपभोक्ताहरुले चाहिनेभन्दा बढी सामान सञ्चय गर्ने प्रवृत्ति बढेका कारण बजारमा सामान अभाव महसुस भएको मात्र हो । वास्तवमा सामान पर्याप्त छ,’ उनले भने, ‘एउटै घरमा १५ वटाभन्दा बढी सिलिन्डर थुपारिराखेको छ, यसैले ग्याँस व्यवसायीहरुलाई नयाँ सिलिण्डर नबेच्न म आग्रह गर्दर्छु ।’

, तेल औषधीजस्ता वस्तु उपभोक्ताले बढी मात्रामा लिइरहेको हुँदा चाहिने मात्र दिन उनले सबै विक्रेतासँग विशेष आग्रहसमेत गरेका छन् । तर पनि बजारमा सामान अभाव देखिएको भन्दै गलत प्रचार भएको उनले गुनासो पोखे ।

नेपाल ग्यास वितरण संघका अध्यक्ष चन्द्र कृष्ण श्रेष्ठले ग्यास आउने क्रम जारी रहेको र हालसम्म कुनै अभाव नभएको बताए । भोलिका दिनमा पनि ग्यासको अभाव नहुने र भई हालेमा इलेक्ट्रक इनर्जी भएकाले समस्या नहुने उनले विश्वस्त दिलाए । यस्तै नुनमा पनि अभाव नभएको साल्ट ट्रेडिङ कर्पोरेशनका अध्यक्ष उर्मिला श्रेष्ठले बताइन ।

नेपाल वितरण संघका अध्यक्ष राजेन्द्र सिंखडाले सरकारले सामान वितरणमा संवेदनशीलता अपनाउनुपर्ने बताए । सामान वितरणमा सबै सदस्यहरुलाई पनि ध्यानाकर्षण गरेको उनले जानकारी दिए ।

भाइरसलाई लिएर स्वास्थ्य मन्त्रलायले आवश्यक निगरानी, नियन्त्रण गरिरहेको स्वास्थ्य तथा जनसंख्या मन्त्रलायको सचिव यादव प्रसाद कोइराले बताए । उनले भने, ‘हामीले अहिले सजगता, सचेतना अभिवृद्विका कार्यक्रमहरु गरिरहेका छौँ ।’ सामान अभावको भ्रम फैलिएका कारण सामान सञ्चय गर्नु गलत भएको उनले बताए ।

चीनमा समेत कोरोना विस्तारै नियन्त्रणउन्मुख भएका कारण डराउनुपर्ने अवस्था नरहेको उनको भनाइ छ । ‘अहिले देश जुन परिस्थितिबाट गुज्रिएका छ, यस्तो बेला सरकार, निजी क्षेत्र, उद्योगी, व्यवसायीहरु एकसाथ सहकार्य गरेर बढ्न आवश्यक छ,’ उनले भने ।

प्रकाशित समय १९:४८ बजे