विश्वभर ६२ लाख ६३ हजार व्यक्तिमा कोरोना संक्रमण देखिएको छ । गएको २४ घण्टामै एक लाख १२ हजारभन्दा बढी नयाँ संक्रमित थपिएपछि संक्रमितको संख्या ६२ लाख ६३ हजार ९०१ पुगेको हो ।

विश्व स्वास्थ्य संगठनका अनुसार विश्वभर तीन लाख ७३ हजार ८९९ जनाको ज्यान गएको छ । त्यस्तै संक्रमितमध्ये २८ लाखभन्दा बढी व्यक्तिको सफल उपचार भएको छ । त्यस्तै ३० लाखभन्दा बढीको उपचार भइरहेको छ भने ५३ हजारभन्दा बढीको स्वास्थ्य अवस्था चिन्ताजनक रहेको छ ।

सबैभन्दा बढी प्रकोप फैलिएको अमेरिकामा १८ लाखभन्दा बढी व्यक्तिमा कोरोना देखिएको छ । विश्व स्वास्थ्य संगठनका अनुसार अहिलेसम्म अमेरिकामा एक लाख ६ हजारभन्दा बढी व्यक्तिको ज्यान गएको छ । त्यस्तै करिब ६ लाख व्यक्तिको सफल उपचार भएको छ भने ११ लाख ३१ हजारभन्दा बढी संक्रमितको उपचार भइरहेको छ ।

ब्राजिलमा कोरोना संक्रमितको संख्या प्रत्येक दिन बढ्दै गएको छ । गएको २४ घण्टामा मात्रै करिब साढे १६ हजारमा भाइरस संक्रमण देखिएको छ भने पाँच सयभन्दा बढीको ज्यान गएको छ । वर्ल्डोमिटरको तथ्यांकअनुसार अहिलेसम्म ब्राजिलमा पाँच लाख १४ हजारभन्दा बढी व्यक्तिमा कोरोना संक्रमण भएको छ भने २९ हजारभन्दा बढीको ज्यान गएको छ ।

प्रकाशित समय ०८:५९ बजे