विश्वभर एकै दिनमा दुई लाखभन्दा बढी कोरोना संक्रमित थपिएका छन् । विश्व स्वास्थ्य संगठनका अनुसार एक करोड आठ लाख दुई हजार ९४९ जनामा कोरोना भाइरस पुगेको छ ।
कुल संक्रमितमध्ये पाँच लाख १८ हजार ९२१ जनाको ज्यान गएको छ ।

गएको २४ घण्टामा मात्रै विश्वभर पाँच हजार चार सयभन्दा बढीले ज्यान गुमाएपछि मृतकको संख्या पाँच लाख नाघेको हो । त्यस्तै कुल संक्रमितमध्ये ५९ लाख ३८ हजारभन्दा बढी डिस्चार्ज भइसकेका छन् भने ४३ हजार ४४ हजार जनाको उपचार भइरहेको छ ।

सबैभन्दा बढी प्रकोप फैलिएको अमेरिकामा २७ लाख ७९ हजारभन्दा बढी व्यक्तिमा भाइरस देखिएको छ । त्यस्तै एक लाख ३० हजार ७९८ जनाको ज्यान गएको छ । गएको २४ घण्टामा मात्रै अमेरिकामा अहिलेसम्मकै सबैभन्दा बढी संक्रमित थपिएका छन् ।

एकै दिनमा अमेरिकामा ५१ हजार ९७ जनामा संक्रमण देखिएको छ भने ६७६ जनाको ज्यान गएको छ । त्यस्तै अमेरिकामा ११ लाख ६४ हजारभन्दा बढीको सफल उपचार भइको छ भने १४ लाख ८४ हजारभन्दा बढीको उपचार भइरहेको छ । उपचाररतमध्ये पनि १५ हजारभन्दा बढीको अवस्था चिन्ताजनक रहेको छ ।

ब्राजिलमा पनि कोरोना संक्रमितको संख्या १४ लाख ५३ हजार नाघेको छ । गएको २४ घण्टामा मात्रै ४४ हजारभन्दा बढी व्यक्तिमा कोरोना देखिएपछि संक्रमितको संख्या १४ लाख ५३ हजार ३६९ पुगेको हो ।

प्रकाशित समय ०८:१७ बजे