विश्वभर कोरोना संक्रमितको संख्या एक करोड २३ लाख नाघेको छ । गएको २४ घण्टामा मात्रै विश्वभर दुई लाख ३० हजारभन्दा बढी संक्रमित थपिएपछि कूल संक्रमितको संख्या एक करोड २३ लाख ८७ हजार ४२० पुगेको हो ।

विश्व स्वास्थ्य संगठनका अनुसार अहिलेसम्म विश्वभर पाँच लाख ५७ हजारभन्दा बढीको ज्यान गएको छ । गएको २४ घण्टामा मात्रै ६ हजारभन्दा बढी संक्रमितको ज्यान गएपछि मृत्यु हुनेको संख्या पाँच लाख ५७ हजार ३९५ पुगेको हो । त्यस्तै अहिलेसम्म ७१ लाख ८७ हजार ३८९ जना डिस्चार्ज भएका छन् ।

विश्वभर कुल संक्रमितमध्ये ४६ लाख ४२ हजारभन्दा बढीको उपचार भइरहेको छ भने ५८ हजार ४५४ जनाको स्वास्थ्य अवस्था चिन्ताजनक रहेको छ । सबैभन्दा बढी प्रकोप फैलिएको अमेरिकामा संक्रमितको संख्या अहिलेसम्मकै उच्च देखिएको छ ।

अमेरिकामा गएको २४ घण्टामा मात्रै ६१ हजारभन्दा बढी संक्रमित थपिएपछि कुल संक्रमितको संख्या ३२ लाख १९ हजार ९९९ पुगेको हो । त्यस्तै अहिलेसम्म अमेरिकामा ज्यान गुमाउनेको संख्या एक लाख ३५ हजार नाघेको छ । एकै दिनमा मात्रै ९६० जनाको ज्यान गएपछि मृतकको संख्या एक लाख ३५ हजार ८२२ जनाको ज्यान गएको छ ।

त्यस्तै १४ लाख २६ हजार जना उपचारपछि घर फर्किएका छन् भने १६ लाख ५७ हजार ७४९ जनाको उपचार भइरहेको छ । त्यस्तै १५ हजार ६४५ जना संक्रमितको अवस्था चिन्ताजनक रहेको वर्ल्डोमिटरको तथ्यांकले देखाएको छ ।

ब्राजिलमा पनि संक्रमितको संख्या एकै दिनमा ४२ लाखभन्दा बढी पुगेको छ । अहिलेसम्म ब्राजिलमा कोरोना संक्रमितको संख्या १७ लाख ५९ हजार १०३ पुगेको छ । त्यस्तै ६९ हजारभन्दा बढीले ज्यान गुमाएका छन् । गएको २४ घण्टामा मात्रै एक हजार १९९ जनाको ज्यान गएपछि मृतकको संख्या ६९ हजार २५४ पुगेको हो ।

त्यस्तै ११ लाख ५२ हजारभन्दा बढी कोरोना संक्रमित उपचारपछि घर फर्किएका छन् भने पाँच लाख ३७ हजार ३८२ जनाको उपचार भइरहेको छ । उपचार भइरहेकामध्ये पनि आठ हजार ३१८ जनाको अवस्था चिन्ताजनक रहेको छ ।

प्रकाशित समय ०९:४९ बजे