ब्राजिलमा कोरोना संक्रमितको संख्या २० लाख नाघेको छ भने भारतमा पनि १० लाख ५६ हजारभन्दा बढी व्यक्तिमा कोरोना संक्रमण देखिएको छ ।

पछिल्लो २४ घण्टामा मात्रै ब्राजिलमा ४३ हजार ८२९ जना नयाँ संक्रमितको संख्या थपिएपछि कुल संक्रमितको संख्या २० लाख १४ हजार ७३८ पुगेको हो । त्यस्तै ज्यान गुमाउनेको संख्या पनि ब्राजिलमा बढेको छ । पछिल्लो २४ घण्टामा एक हजार २१९ जनाले ज्यान गुमाएका छन् भने अहिलेसम्म ७६ हजार ८२२ जनाको मृत्यु भइसकेको छ । त्यस्तै डिस्चार्ज हुनेको संख्या १३ लाख ६६ हजार ७७५ पुगेको छ ।

भारतमा पनि कोरोना संक्रमितको संख्या १० लाख नाघेको छ । पछिल्लो २४ घण्टामा कोरोना भाइरसबाट भारतमा ३५ हजार ४६८ जना नयाँ संक्रमितको संख्या थपिएपछि कुल संक्रमित १० लाख ५६ हजार ३७ पुगेको हो ।

विश्व स्वास्थ्य संगठनका अनुसार भारतमा पछिल्लो २४ घण्टामा ६८० जनाले ज्यान गुमाएका छन् भने अहिलेसम्म भारतमा २५ हजार ६०९ जनाको ज्यान गुमाएको बताइएको छ । त्यस्तै ६ लाख ३६ हजार ६०२ जना निको भएर घर फर्केका छन् ।

प्रकाशित समय १०:५२ बजे