अन्तर्राष्ट्रिय युवा दिवस २०७७ को अवसरमा लायन्स क्लब अफ धादिङ पिस खानीखोला तथा लियो क्लब अफ पिस खानीखोलाको आयोजना एंव नेपाली रक्तदाता संघ, नेक्षत्र बचत तथा ऋण सहकारी संस्था र पब्लिक बचत तथा ऋण सहकारी संस्थाको प्रायोजनमा बृहत रक्तदान कार्यक्रम उत्साहपूर्ण सहभागिताका साथ सम्पन्न भएको छ ।

रक्तदान कार्यक्रममा संचार सहयोगीको रूपमा कृषि रेडियो १०१.५ मेगाहर्ज रहेको थियो । मच्छिन्द्र मा.वि. खानीखोलाको प्राङ्गणमा भएको उक्त कार्यक्रममा ६५ जनाले रगतदान गरेको नेपाली रक्तदाता संघका अध्यक्ष राहुल रेग्मीले जानकारी दिए ।

कार्यक्रमको व्यवस्थापकीय पक्षमा सहयोग पुर्‍याउने सम्पूर्णमा तथा रक्तदान कार्यक्रममार्फत रक्तदान गर्ने रक्तदाताप्रति नेपाली रक्तदाता संघले हार्दिक धन्यवाद र कृतज्ञता जाहेर गरेको छ । रक्तदान गर्ने दाताहरुलाई प्रमाणपत्र र अन्तर्राष्ट्रिय नेपाली रक्तदाता संघको डायरी वितरण गरिएको थियो ।

प्रकाशित समय १०:१५ बजे