कोरोनाभाइरस संक्रमण नियन्त्रण तथा रोकथामका लागि लागू गरिएको निषेधाज्ञा उल्लंघन गर्दै रातो मछिन्द्रनाथको रथ तान्न युवाहरू निस्किएपछि युवा र प्रहरीबीच झडप भएको छ । युवाहरु ललितपुरको पुल्चोकमा रहेको रातो मछिन्द्रनाथको रथ तान्न स्वस्फुर्त निस्किएपछि प्रहरीले रोक्न खोज्दा झडप भएको हो ।

प्रहरीले रथ तान्न रोकेपछि युवाहरु विरोधमा उत्रिएका थिए । सम्भावित क्षति रोक्न प्रहरीले पानीको फोहोरा हान्न थालेपछि स्थानीय युवाले ढुंगामुढा गरे । त्यसपछि प्रहरीले केही सेल अश्रुग्यास प्रहार गरेको छ । अहिले युवा तितरवितर भएका छन् भने रथलाई प्रहरीले चारैतिरबाट घेरेर राखेको छ ।

प्रकाशित समय १४:१६ बजे