विश्वभर कोरोना संक्रमित दुई करोड एक लाख जना संक्रमित डिस्चार्ज भएका छन् भने ७० लाखभन्दा बढीको उपचार भइरहेको छ ।

विश्व स्वास्थ्य संगठनका अनुसार अहिलेसम्म विश्वभर दुई करोड ८० लाखभन्दा बढी जनामा संक्रमण देखिएको छ । गएको २४ घण्टामा मात्रै दुई लाख ९३ हजार जनामा संक्रमण देखिएपछि कुल संक्रमितको संख्या दुई करोड ८० लाख २२ हजार २७६ पुगेको छ ।

वर्ल्डोमिटरको तथ्यांकअनुसार अहिलेसम्म विश्वभर ९ लाख ८ हजार जनाको ज्यान गएको छ । पछिल्लो एकै दिनम ६ हजार २२७ जनाले ज्यान गुमाएका छन् । सबैभन्दा बढी संक्रमण फैलिएको अमेरिकामा एकै दिनमा ३५ हजार २४४ जना संक्रमित थपिएका छन् भने एक हजार २०९ जनाले ज्यान गुमाएका छन् ।

योसँगै अमेरिकामा अहिलेसम्म संक्रमितको संख्या ६५ लाख ४९ हजार पुगेको छ भने एक लाख ९५ हजार २३९ जनाको ज्यान गएको छ । त्यस्तै ३८ लाख ४६ लाख संक्रमितको सफल उपचार भएको छ भने २५ लाख ८ हजारको उपचार भइरहेको छ । भारतमा अहिलेसम्मकै उच्च संक्रमण देखिएको छ ।

भारतमा एकै दिनमा ९५ हजार ५२९ जनामा एकै दिन संक्रमण देखिएपछि कुल संक्रमितको संख्या ४४ लाख ६२ हजार ९६५ जनामा संक्रमण देखिएको छ । त्यस्तै ७५ हजार ९१ जनाले ज्यान गुमाएका छन् । गएको २४ घण्टामा मात्रै भारतमा एक हजार १६८ जनाको ज्यान गएको छ । त्यस्तै अहिलेसम्म ३४ लाख ६९ हजार जनाको उपचार भइसकेको छ भने ९ लाख १८ हजारको उपचार भइरहेको भारतीय स्वास्थ्य विभागले जनाएको छ ।

प्रकाशित समय १०:०० बजे