विश्वभर सक्रिय संक्रमितको संख्या ७७ लाख ३३ हजार नाघेको छ । एकै दिनको हजारौंको संख्यामा संक्रमित थपिएपछि सक्रिय संक्रमितको संख्या ७७ लाख ३३ हजार २७४ पुगेको हो ।

अहिलेसम्म तीन करोड ५४ लाख व्यक्तिमा कोरोना भाइरस देखिएको छ । विश्व स्वास्थ्य संगठनका अनुसार गएको २४ घण्टामा मात्रै दुई लाख ५६ हजारभन्दा बढी व्यक्ति संक्रमित थपिएपछि कुल संक्रमितको संख्या तीन करोड ५३ लाख ९७ हजार ३२० पुगेको हो ।

वर्ल्डोमिटरको तथ्यांकअनुसार अहिलेसम्म विश्वभर १० लाख ४१ हजारको ज्यान गएको छ । गएको २४ घण्टामा मात्रै साढे चार हजार संक्रमितको ज्यान गएको हो । त्यस्तै अहिलेसम्म दुई करोड ६६ लाख २० हजार ११६ जना संक्रमित संक्रमणमुक्त भएका छन् भने ७७ लाख ३५ हजार सक्रिय संक्रमित रहेको विश्व स्वास्थ्य संगठनले जनाएको छ ।

सबैभन्दा बढी संक्रमण फैलिएको अमेरिकामा संक्रमितको संख्या ७६ लाख ३६ हजार पुगेको छ भने दुई लाख १४ हजारभन्दा बढीको ज्यान गएको छ । गएको २४ घण्टामा मात्रै अमेरिकामा ३४ हजारभन्दा बढी संक्रमित थपिएका छन् भने ३३२ जनाको ज्यान गएको छ । त्यस्तै ४८ लाख ४९ हजारको सफल उपचार भएको छ । अहिले अमेरिकामा २५ लाख ७३ हजार सक्रिय संक्रमित छन् ।

दोस्रो बढी संक्रमण फैलिएको छिमेकी मुलुक भारतमा ६६ लाख २२ हजार जनामा संक्रमण देखिएको छ । गएको २४ घण्टामा मात्रै भारतमा ७४ हजार ७६७ जनामा संक्रमित थपिएका छन् । त्यस्तै अहिलेसम्म एक लाख दुई हजारको ज्यान गएको छ । आइतबार मात्रै ९०२ जनाले ज्यान गुमाएका छन् । अहिलेसम्म भारतमा ५५ लाख ८३ हजारको सफल उपचार भएको छ भने ९ लाख ३६ हजारको उपचार भइरहेको छ ।

प्रकाशित समय ०९:४८ बजे