अमेरिकामा स्थायी बसोबासको अनुमति प्राप्त हुने डीभी (डाइभर्सिटी भिसा) चिट्ठाको लागि फाराम खुलेको छ । नेपाली समयअनुसार बुधबार राति पौने १० बजेदेखि डीभीको फाराम खुलेको हो ।

आउँदो कात्तिक २० गते राति पौने ११ बजेसम्म फाराम भर्न सकिने नेपालस्थित अमेरिकी दूतावासले जनाएको छ । यसपटक डीभी भरेर छनौट हुनेहरुले सन् २०२२ मा अमेरिका जान पाउनेछन् ।

फाराम भर्नका लागि आधिकारिक वेबसाइट http://www.dvlottery.state.gov  मा गएर निर्देशनअनुसार प्रक्रिया पूरा गर्नु पर्नेछ ।

डीभी कार्यक्रममा सहभागी हुनका लागि कुनै शुल्क नलाग्ने दूतावासले जनाएको छ । दूतावासले डीभी आवेदन भर्दा कन्सल्टेन्टको सहयोग नलिनसमेत भनेको छ ।

प्रकाशित समय ११:३६ बजे