विश्वभर कोरोना भाइरसबाट दुई करोड ७६ लाख ६७ हजार ५५४ जना डिस्चार्ज भएका छन् । विश्व स्वास्थ्य संगठनका अनुसार विश्वभर कोरोना संक्रमितको कुल संख्या तीन करोड ६७ लाख, ५३ हजार ९१० पुगेको छ ।

बितेका २४ घण्टामा मात्रै तीन लाख ४८ हजार ७७४ जना संक्रमित थपिएका छन् । कोरोनाबाट हालसम्म १० लाख ६६ हजार ८५६ जनाले ज्यान गुमाएको विश्व स्वास्थ्य संगठनले जनाएको छ । विश्वभर सक्रिय संक्रमितको संख्या ८० लाख १९ हजार ५ सय रहेको छ । जसमध्ये ६७ हजार ९९ जनाको अवस्था गम्भीर रहेको छ ।

सबैभन्दा बढी भाइरस फैलिएको अमेरिकामा ७८ लाख ३३ हजार ७६३ जना संक्रमित छन् भने दुई लाख १७ हजार ७३८ जनाको मृत्यु भएको छ । गएको २४ घण्टामा मात्रै ५६ हजार ६५२ जना संक्रमित छन् । दोस्रो बढी संक्रमित राष्ट्र भारतमा ६९ लाख ६ हजार ८१२ संक्रमित छन् भने एक लाख ६५ हजार २१ जनाले ज्यान गुमाएका छन् ।

प्रकाशित समय १०:२३ बजे