नेपाली कांग्रेसका सांसद एवं पूर्वमन्त्री मोहमद अफताब आलमका भाइ महताफ आलम पक्राउ परेका छन् । रौतहटको राजापुर बमकाण्डका आरोपित आलमलाई प्रहरीले भारतीय प्रहरीसँगको समन्वयमा भारतको मोतिहारीबाट पक्राउ गरेको हो । घटनापछि उनी फरार थिए ।

२०६४ साल चैत २७ गते संविधानसभा निर्वाचनअघि आलमका काका शेख इद्रिसको घरमा विष्फोट हुँदा घाइते २४ वर्षीय त्रिलोकप्रताप सिंह र २२ वर्षीय ओसी अक्तरलाई जिउँदै इटाभट्टामा हालेर जलाएको आरोप उनीमाथि लागेको छ । गत वर्षको २६ असोजमा पक्राउ परेका अफताब आलम नक्खु कारागारमा जेल सजाय भुक्तान गरिरहेका छन् ।

प्रकाशित समय ११:५० बजे