दक्षिण ललितपुरको बागमती गाउँपालिकाले यही पौष २५ देखि २९ गतेसम्म ‘बागमती गाउँपालिका अध्यक्ष कप फुटबल प्रतियोगिता २०७७’ आयोजना गर्ने भएको छ ।

‘स्वास्थ्यका लागि खेलकुद, राष्ट्रका लागि खेलकुद’ भन्ने मूल नाराका साथ आयोजना हुने सो प्रतियोगिता प्युटारस्थित खयरघारी खेलमैदानमा आयोजना हुने छ । युवालाई खेलकूदको माध्यमबाट राष्ट्रिय तथा अन्तरराष्ट्रिय स्तरमा चिनाउने उद्देश्यका साथ दोस्रो अध्यक्ष कप फुटबल प्रतियोगिता आयोजना गर्न लागिएको अध्यक्ष वीरबहादुर लोप्चनले जानकारी दिए । उनले भने, ‘यसले गाउँपालिकामा रहेका खेलाडीको क्षमता विकासमा सहयोग पुर्‍याउने छ ।’ प्रतियोगितामा प्रथम हुने समूहले पदक प्रमाणपत्र सहित एक लाख, दोस्रोले ५० हजार, तेस्रोले २५ हजार प्राप्त गर्नेछन् ।

प्रकाशित समय १२:०८ बजे