नर्वेको ओस्लो नजिकैको एउटा गाउँमा पहिरो जाँदा २० जना बेपत्ता भएका छन् । पहिरोमा परी ५ सयभन्दा बढी मानिस विस्थापित भएको अन्तर्राष्ट्रिय सञ्चारमाध्यमले जनाएका छन् ।

घटनामा १० जना घाइते भएको अधिकारीहरूले जानकारी गराएका छन् । पहिरोले सयौँ घर बगाएको छ, केही पुरेको छ । घटनाका बारेमा जानकारी प्राप्त हुनासाथ उद्धारकर्ताहरूको टोली घटनास्थलमा पुगेर खोजी तथा उद्धारमा खटिएको छ ।

अधिकारीहरूका अनुसार झन्डै दुई लाख १० हजार वर्गमिटर क्षेत्रफलमा पहिरो गएको छ । घाइते १० जनामध्ये नौ जनाको स्थानीय अस्पतालमा उपचार गराइएको छ भने गम्भीर अवस्थाका एक जनालाई थप उपचारका लागि ओस्लो पठाइएको छ ।

नर्वेका प्रधानमन्त्री इर्ना सेल्बेर्गले घटनाप्रति दुःख व्यक्त गर्दै घाइतेहरूको शीघ्र स्वास्थ्य लाभको कामना गरेकी छन् ।

प्रकाशित समय ०७:१६ बजे