त्रिभुवन विश्वविद्यालय मातहत अध्यापन गर्ने २५ प्राध्यापक बर्खास्तगीमा परेका छन् ।

निजी क्याम्पसमा बढी समय दिएर लगातार ९० दिनसम्म त्रिविका आंगिक क्याम्पसमा उपस्थित नभएपछि उनीहरूलाई बर्खास्त गरिएको त्रिभुवन विश्वविद्यालयले जनाएको छ । एक वर्षको अवधिमा ४० जना शिक्षक र कर्मचारीलाई सेवाबाट त्रिविले हटाएको हो । जसमा २५ शिक्षक र १५ कर्मचारी छन् ।

बर्खास्त हुनेमा शिक्षकअन्तर्गत उपप्राध्यापक, सहप्राध्याक र प्राध्यापक छन् । लगातार ९० दिनसम्म क्याम्पस वा कार्यालयमा उपस्थित नभए त्रिभुवन विश्वविद्यालय शिक्षक, कर्मचारी सेवासम्बन्धी नियम २०५० मा सेवाबाट बर्खास्त गर्ने उल्लेख छ । सोही प्रावधानका आधारमा उनिहरुलाई बर्खास्त गरिएको हो ।

यस्तै, पूर्वस्वीकृत नलिई काम गर्ने २० जना शिक्षकलाई सचेत गराइएको छ । उनीहरूलाई नसियतस्वरूप लिखित रूपमै सचेत गराइएको त्रिविले जनाएको छ ।

प्रकाशित समय ०९:१८ बजे