साउदी अरबले पाकिस्तानलाई २० अर्ब अमेरिकी डलर बराबरको आर्थिक सहायता दिने भएको छ । पकिस्तान भ्रमणका क्रममा साउदी अरबका राजकुमार मोहमद बिन सलमानले पाकिस्तानलाई २० अर्ब डलर बराबरको सहायता दिने सम्झौतामा हस्ताक्षर गरेका छन् ।

आर्थिक घाटा बेहोरिरहेको पाकिस्तानलाई साउदीले सो रकम दिने सम्झौतामा हस्ताक्षर गरेको हो । साउदी राजकुमारलाई पाकिस्तानका प्रधानमन्त्री इमरान खान र सेना प्रमुख कमर जावेद बावजा एयरपोर्ट स्वागत गरेका थिए ।

साउदी राजकुमारको सम्मानमा प्रधानमन्त्री निवासमा विशेष भोजनको आयोजना गरिएको थियो । दुई दिने भ्रमणका लागि राजकुमार आइतबार पाकिस्तान पुगेका हुन् ।

प्रकाशित समय ११:३२ बजे