विश्वभर कोरोना संक्रमित १४ लाख ३६ हजारभन्दा बढी व्यक्ति उपचारपछि घर फर्किएका छन् । आइतबार बिहानसम्म कोरोना संक्रमितको संख्या बढ्दै गए पनि डिस्चार्ज हुनेको संख्या पनि बढ्दै गएको छ ।

विश्व स्वास्थ्य संगठनका अनुसार अहिले विश्वभर ४० लाख ९८ हजार २८८ जना संक्रमित देखिएका छन् । गएको २४ घण्टामा मात्रै ८८ हजार ९९७ जना नयाँ संक्रमित थपिएको तथ्यांकले देखाएको छ । त्यस्तै एकै दिनमा चार हजार २४८ जनाले ज्यान गुमाएका छन् ।

वर्ल्डोमिटरका अनुसार अहिले विश्वभर दुई लाख ८० हजार २२४ जनाले ज्यान गुमाइसकेका छन् भने कुल संक्रमितमध्ये २३ लाख ८१ हजार ८५८ जनाको उपचार भइरहेको छ । त्योमध्ये पनि ४७ हजार ६८५ जनाको अवस्था गम्भीर देखिएको छ ।

सबैभन्दा बढी अमेरिकामा कोरोना संक्रमितको संख्या १३ लाख ४७ हजार ३०९ पुगेको छ । एकै दिनमा मात्रै अमेरिकामा २५ हजार ५२४ जना नयाँ संक्रमित देखा परेका छन् भने एक हजार ४२२ जनाको ज्यान गएको छ । अहिलेसम्म अमेरिकामा ज्यान गुमाउनेको संख्या ८० हजार नाघेको छ । यो समाचार तयार पार्दासम्म अमेरिकामा ८० हजार ३७ जनाले ज्यान गुमाएका छन् ।

संक्रमितमध्ये दुई लाख ३८ हजार ७८ जनाले ज्यानको सफल उपचार भएको छ भने १० लाख २९ हजार १९४ जना उपचाररत छन् । त्योमध्ये पनि १६ हजार ८१६ जनाको अवस्था चिन्ताजनक रहेको छ ।

प्रकाशित समय ०८:३९ बजे