विश्वभर कोरोना संक्रमितको संख्या ४४ लाख २७ हजार नाघेको छ । गएको २४ घण्टामा मात्रै ८८ हजार २१९ जना नयाँ संक्रमित थपिएपछि संक्रमितको संख्या ४४ लाख २७ हजार ५४३ पुगेको हो ।

विश्व स्वास्थ्य संगठनका अनुसार अहिलेसम्म विश्वभर ज्यान गुमाउनेको संख्या दुई लाख ९८ हजार नाघेको ९८ हजार नाघेको छ । एकैदिनमा ५ हजार ३१४ जनाले ज्यान गुमाएपछि मृत्यु हुनेको संख्या दुई लाख ९८ हजार ५९ पुगेको स्वास्थ्य संगठनले जनाएको छ । संक्रमितमध्ये १६ लाख ५७ हजार ७३५ जनको सफल उपचार भएको छ । यो समाचार तयार पार्दासम्म २४ लाख ७१ हजार ७४९ जनाको उपचार भइरहेको छ ।

उपचाररत संक्रमितमध्ये ४५ हजार ९२० जनाको अवस्था गम्भीर देखिएको छ । सबैभन्दा बढी प्रकोप फैलिएको अमेरिकामा पनि ज्यान गुमाउनेको संख्या ८५ हजार नाघेको छ । बिहीबार बिहानसम्ममा अमेरिकामा ८५ हजार १९७ जनाको ज्यान गएको हो । त्यस्तै अहिलेसम्म १४ लाख ३० हजार ३४८ जनामा संक्रमण देखिएको छ ।

वर्ल्डोमिटरको तथ्यांकअनुसार संक्रमितमध्ये तीन लाख १० हजार २५९ जनाको सफल उपचार भएको छ भने १० लाख ३४ हजार ८९२ जना उपचाररत छन् । त्योमध्ये पनि १६ हजार ३४९ जनाको अवस्था गम्भीर रहेको छ ।

प्रकाशित समय ०८:०८ बजे