विश्वभर कोरोना संक्रमितको संख्या ७० लाख नाघेको छ । गएको २४ घण्टामै एक लाख १६ हजारभन्दा बढी नयाँ संक्रमित थपिएपछि संक्रमितको संख्या ७० लाख ८६ हजार पुगेको हो ।

विश्व स्वास्थ्य संगठनका अनुसार सोमबार बिहानसम्म ज्यान गुमाउनेको संख्या चार लाख पाँच हजार २९४ पुगेको छ । गएको २४ घण्टामा मात्रै करिब चार हजारले ज्यान गुमाएका थिए ।

विश्वभर कुल संक्रमितमध्ये ३४ लाख ५९ हजार ९६९ जनाको सफल उपचार भएको छ । त्यस्तै ३२ लाख २० हजार ७४० जनाको उपचार भइरहेको विश्व स्वास्थ्य संगठनले जनाएको छ । उपचाररतमध्ये पनि ५३ हजार ७५२ जनाको अवस्था चिन्ताजनक रहेको बताएको छ ।

सबैभन्दा बढी संक्रमित अमेरिकामा कोरोना भाइरस संक्रमितको संख्या २० लाख नाघेको छ । गएको २४ घण्टामा मात्रै १८ हजारभन्दा बढी नयाँ संक्रमित थपिएपछि कुल संक्रमितको संख्या २० लाख ७ हजार ४४९ पुगेको हो । त्यस्तै अमेरिकामा ज्यान गुमाउनेको संख्या एक लाख १२ हजार ४६९ पुगेको छ भने सात लाख ६१ हजार ७०८ जनाको सफल उपचार भएको छ ।

संक्रमितमध्ये ११ लाख ३३ हजार २७२ जनाको उपचार भइरहेको छ भने करिब १७ हजारभन्दा बढी संक्रमितको अवस्था चिन्ताजनक रहेको छ । त्यसपछि ब्राजिल, रसिया, स्पेनलगायतका देशहरूमा पनि भाइरस बढ्दै गएको वर्ल्डोमिटरको तथ्यांकले देखाएको छ ।

प्रकाशित समय ०७:३९ बजे