विश्वभर करिब ६९ लाख जना कोरोना संक्रमितले भाइरसलाई जितेका छन् । विश्व स्वास्थ्य संगठनका अनुसार विश्वभर अहिलेसम्म ६८ लाख ९५ हजार २३८ जनाले भाइरस जितेका छन् ।

वर्ल्डोमिटरको तथ्यांकअनुसार अहिलेसम्म विश्वभर एक करोड १९ लाखभन्दा बढी संक्रमित देखिएका छन् । गएको २४ घण्टामा मात्रै करिब दुई लाखभन्दा बढी संक्रमित थपिएपछि संक्रमितको संख्या एक करोड १९ लाख ४९ हजार २८१ पुगेको हो । त्यस्तै पाँच लाख ४६ हजारभन्दा बढीको ज्यान गएको छ ।

गएको २४ घण्टामा मात्रै साढे ६ हजारभन्दा बढीको ज्यान गएपछि पाँच लाख ४६ हजार ६०१ पुगेको हो । त्यस्तै ४५ लाख सात हजार ४४२ को उपचार भइरहेको छ । त्यस्तै उपचार भइरहेकामध्ये ५८ हजार २२७ जनाको स्वास्थ्य अवस्था चिन्ताजनक रहेको छ ।

सबैभन्दा बढी प्रकोप फैलिएको अमेरिकामा संक्रमितको संख्या ३१ लाख नजिक पुगेको छ । गएको २४ घण्टामा मात्रै अमेरिकामा ५५ हजारभन्दा बढी संक्रमित थपिएपछि संक्रमितको संख्या ३० लाख ९७ हजार ८४ पुगेको हो । त्यस्तै एक लाख ३३ हजारको ज्यान गएको छ ।

अमेरिकामा संक्रमितमध्ये १३ लाख ५४ हजार ८६३ जना उपचारपछि घर फर्किएका छन् भने १६ लाख आठ हजार २४९ जनाको उपचार भइरहेको छ । त्यस्तै उपचार भइरहेका मध्ये १५ हजार ३७१ जनाको स्वास्थ्य अवस्था चिन्ताजनक रहेको अमेरिकी स्वास्थ्य मन्त्रालयले जनाएको छ ।

प्रकाशित समय ०९:२३ बजे