नेपालमा कोरोना संक्रमितको संख्या १६ हजार ४२३ पुगेको छ । गएको २४ घण्टामा मात्रै नेपालमा २५५ जनामा संक्रमण देखिएपछि कुल संक्रमितको संख्या १६ हजार ४२३ पुगेको हो ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार अहिलेसम्म दुई लाख ६६ हजार ४५७ जनाको पीसीआर परीक्षण गरिएको छ । बुधबारमात्रै नेपालमा चार हजार ५९६ जनाको परीक्षण गरिएको थियो ।

अहिलेसम्म ३५ जनाको ज्यान गएको छ भने सात हजार ७५२ जना उपचारपछि घर फर्किएका छन् । बुधबार मात्रै २५३ जनाले कोरोना भाइरस जितेको स्वास्थ्य मन्त्रालयले जनाएको छ ।

प्रकाशित समय १६:३५ बजे