विश्वभर कोरोना संक्रमितको संख्या एक करोड ३७ लाख नजिक पुगेको छ । गएको २४ घण्टामा मात्रै दुई लाख ४० हजारभन्दा बढी संक्रमित थपिएपछि संक्रमितको संख्या एक करोड ३६ लाख ९१ हजार ६५९ पुगेको हो ।

विश्व स्वास्थ्य संगठनका अनुसार अहिलेसम्म विश्वभर कोरोनाबाट ज्यान गुमाउनेको संख्या पाँच लाख ८६ हजार नाघेको छ । गएको २४ घण्टामा मात्रै ६ हजार तीन सयभन्दा बढीले ज्यान गुमाएपछि मृतकको संख्या पाँच लाख ८६ हजार ८२१ पुगेको हो ।

त्यस्तै अहिलेसम्म ८० लाख ३७ हजार १७८ जना कोरोना संक्रमित डिस्चार्ज भएका छन् भने ५० लाख ६७ हजार ६६० जनाको उपचार भइरहेको छ । त्यस्तै अहिलेसम्म ५९ हजार ६१७ जनाको स्वास्थ्य अवस्था चिन्ताजनक रहेको विश्व स्वास्थ्य संगठनले जनाएको छ ।

सबैभन्दा बढी प्रकोप फैलिएको अमेरिकामा अहिलेसम्म संक्रमितको संख्या ३६ लाख नाघेको छ । गएको २४ घण्टामा मात्रै अमेरिकामा ७१ हजार ६७० जनामा संक्रमण देखिएपछि कुल संक्रमितको संख्या ३६ लाख १६ हजार ७४७ पुगेको छ । त्यस्तै ज्यान गुमाउनेको संख्या पनि एक लाख ४० हजार नाघेको छ ।

गएको २४ घण्टामा मात्रै ९९७ जनाको ज्यान गएपछि मृत्यु हुनेको संख्या एक लाख ४० हजार १४० पुगेको हो । वर्ल्डोमिटरको तथ्यांकअनुसार अहिलेसम्म अमेरिकामा १६ लाख ४५ हजार ९६२ जना संक्रमित डिस्चार्ज भएका छन् भने १८ लाख ३० हजार ६४५ जनाको उपचार भइरहेको छ । त्यस्तै उपचाररत १० हजार ९२४ जनाको स्वास्थ्य अवस्था गम्भीर रहेको अमेरिकी स्वास्थ्य विभागले जनाएको छ ।

प्रकाशित समय ०९:४४ बजे