विश्वभर एक करोड ८० लाखभन्दा बढी व्यक्तिमा कोरोना भाइरस पुगेको छ । गएको २४ घण्टामा मात्रै दुई लाख ६० हजारभन्दा बढी व्यक्तिमा संक्रमण पुष्टि भएपछि कुल संक्रमितको संख्या एक करोड ८० लाख १३ हजार १९१ पुगेको हो ।

विश्व स्वास्थ्य संगठनका अनुसार अहिलेसम्म विश्वभर ६ लाख ८८ हजारको ज्यान गएको छ । गएको २४ घण्टामा मात्रै विश्वभर साढे ६ हजारको ज्यान गएको छ । त्यस्तै एक करोड १३ लाख २६ हजार ४३३ जना उपचारपछि घर फर्किएका छन् । त्यस्तै ५९ लाख ९८ हजारको उपचार भइरहेको छ । उपचाररतमध्ये पनि ६६ हजारको स्वास्थ्य अवस्था चिन्ताजनक रहेको छ ।

सबैभन्दा बढी संक्रमण फैलिएको अमेरिकामा ४७ लाख ६४ हजारभन्दा बढी व्यक्तिमा संक्रमण फैलिएको छ । एकै दिनमा अमेरिकामा ५८ हजार ४२९ जनामा संक्रमण देखिएको छ । त्यस्तै एक लाख ५७ हजारभन्दा बढीको ज्यान गएको छ । गएको २४ घण्टामा मात्रै एक हजार १२३ जनाको ज्यान गएपछि मृतकको संख्या एक लाख ५७ हजार ८९८ पुगेको छ ।

अमेरिकामा कुल संक्रमितमध्ये २३ लाख ६२ हजार उपचारपछि डिस्चार्ज भएका छन् २२ लाख ४३ हजार ५१७ जनाको उपचार भइरहेको छ । त्यस्तै १८ हजार ७२० जनाको स्वास्थ्य अवस्था गम्भीर रहेको अमेरिकी स्वास्थ्य विभागले जनाएको छ । गम्भीर बिरामीलाई आइसोलेसनमा उपचार भइरहेको छ ।

प्रकाशित समय ०९:३८ बजे