विश्वभर कोरोना संक्रमितको संख्या दुई करोड नाघेको छ । गएको २४ घण्टामा मात्रै दुई लाख १९ हजार ३५३ जनामा संक्रमण देखिएपछि कुल संक्रमितको संख्या दुई करोड १६ हजार ३०२ पुगेको हो ।

विश्व स्वास्थ्य संगठनका अनुसार विश्वभर कोरोनाका कारण ज्यान गुमाउनेको संख्या सात लाख ३३ हजार नाघेको छ । एकै दिनमा चार हजार ७८३ जनाले ज्यान गएपछि मृत्यु हुनेको संख्या सात लाख ३३ हजार ५९२ पुगेको छ । त्यस्तै एक करोड २८ लाख ९२ हजार ७४ जनाको सफल उपचार भएको छ ।

कुल संक्रमितमध्ये ६३ लाख ९० हजार ६३६ जनाको उपचार भइरहेको छ । उपचाररतमध्ये पनि ६४ हजार ९३४ जनाको स्वास्थ्य अवस्था चिन्ताजनक रहेको विश्व स्वास्थ्य संगठनले जनाएको छ ।
सबैभन्दा बढी संक्रमित भएको अमेरिकामा एक लाख ६५ हजार ६०६० जनाको ज्यान गएको छ । गएको २४ घण्टामा मात्रै ५२५ जनाको ज्यान गएको थियो । त्यस्तै ५१ लाख ९९ हजार ४३१ जनामा संक्रमण देखिएको छ भने २६ लाख ६४ हजार ६१८ जनाको सफल उपचार भएको अमेरिकी स्वास्थ्य संस्थाले जनाएको छ ।

ब्राजिलमा कोरोना संक्रमितको संख्या ३० लाख नाघेको छ । गएको २४ घण्टामा मात्रै २२ हजार २१३ जनामा संक्रमण देखिएपछि कुल संक्रमितको संख्या ३० लाख ३५ हजार ५८२ पुगेको हो । त्यस्तै अहिलेसम्म ज्यान गुमाउनेको संख्या एक लाख नाघेको छ । गएको २४ घण्टामा मात्रै ५९३ जनाको मृत्यु भएपछि ज्यान गुमाउनेको संख्या एक लाख एक हजार १३६ पुगेको हो ।

प्रकाशित समय ०९:०० बजे