नेपालमा कोरोना संक्रमितको संख्या साढे २५ हजार नाघेको छ । शुक्रबार मात्रै ५९४ जनामा संक्रमण देखिएपछि कुल संक्रमितको संख्या २५ हजार ५५१ पुगेको हो ।

स्वास्थ्य तथा जनसंख्या मन्त्रालयका अनुसार शुक्रबार ४ जनाले ज्यान गुमाएका छन् । अहिलेसम्म ज्यान गुमाउनेको संख्या ९९ पुगेको छ । त्यस्तै डिस्चार्ज हुनेको संख्या पनि १७ हजार नाघेको छ । गएको २४ घण्टामै २४० जना संक्रमितको सफल उपचार भएपछि डिस्चार्ज हुनेको संखया १७ हजार ७७ पुगेको हो ।

स्वास्थ्य मन्त्रालयका अनुसार शुक्रबार मात्रै ११ हजार ५७५ जनाको पीसीआर परीक्षण गरिएको थियो । अहिलेसम्म नेपालमा चार लाख ९४ हहजार ६१३ जनाको परीक्षण गरिएको छ ।

प्रकाशित समय १६:३१ बजे