विश्वभर कोरोना भाइरबाट एक करोड ४३ लाख २३ हजार १८० जना डिस्चार्ज भएका छन् । बितेका २४ घण्टामा मात्र विश्वमा २ लाख ४९ हजार ५८७ जना संक्रमित थपिएका हुन् ।

विश्वमा हालसम्म दुई करोड १६ लाख चार हजार १९२ जनामा संक्रमण पुष्टि भइसकेका छन् । यस्तै कोरोनाबाट विश्वभर मृत्यु हुनेको संख्या ७ लाख ६८ हजार ७३९ पुगेको वर्ल्डोमिटरको तथ्यांकले देखाएको छ । त्यस्तै ६५ लाख १६ हजार २२३ जनाको उपचार भइरहेको छ ।

विश्व स्वास्थ्य संगठनका अनुसार बितेका २४ घण्टामा मात्रै ५ हजार १७७ जनाले ज्यान गुमाएका छन् । सबैभन्दा बढी भाइरस फैलिएको अमेरिकामा कोरोनाबाट एक लाख ७२ हजार ६०६ जनाको मृत्यु भएको छ भने ५५ लाख २९ हजार ७८९ जनामा संक्रमण देखा परेका छन् ।

अमेरिकापछि कै बढी संक्रमण फैलिएको ब्राजिल ३३ लाख १७ हजार ८३२ जना संक्रमित देखिएका छन् भने ज्यान गुमाउनेको संख्या एक लाख ७ हजार २९७ पुगेको छ । यता छिमेकी राष्ट्र भारतमा कोरोना संक्रमित २५ लाख ८९ हजार २०८ छन् भने ५० हजार ८४ जनाले ज्यान गुमाएका छन् ।

प्रकाशित समय ०९:४६ बजे