विश्वभर कोरोना संक्रमितको संख्या दुई करोड ६१ लाख नाघेको छ । गएको २४ घण्टामा दुई लाख ९३ हजारभन्दा बढी संक्रमित थपिएपछि कुल संक्रमितको संख्या दुई करोड ६१ लाख ७७ हजार ६०३ पुगेको हो ।

विश्व स्वास्थ्य संगठनका अनुसार अहिलेसम्म आठ लाख ६७ हजार ३४७ जनाले ज्यान गुमाएका छन् । त्यस्तै एक करोड ८४ लाख ४२ हजार ३०७ जनाको सफल उपचार भएको छ भने ६८ लाख ६७ हजार ९४९ जनाको उपचार भइरहेको छ । उपचार भइरहेकामध्ये पनि ६० हजार ६१७ जनाको स्वास्थ्य अवस्था चिन्ताजनक रहेको छ ।

सबैभन्दा बढी संक्रमण भएको अमेरिकामा कुल संक्रमितको संख्या ६२ लाख ९० हजार नाघेको छ । गएको २४ घण्टामा मात्रै ४१ लाख २११ जनामा संक्रमण देखिएपछि कुल संक्रमितको संख्या ६२ लाख ९० हजार ७३७ पुगेको छ । त्यस्तै एक लाख ८९ हजार ९६४ जनाको ज्यान गएको छ । गएको २४ घण्टामा मात्रै अमेरिकामा एक हजार ९० जनाले ज्यान गुमाएका छन् । त्यस्तै ३५ लाख ४७ हजारको सफल उपचार भएको छ भने २५ लाख ५३ हजारको उपचार भइरहेको छ ।

सबैभन्दा बढी महामारी फैलिएको दोस्रो ठूलो देश ब्राजिलमा पनि कोरोना संक्रमितको संख्या ४० लाख नाघेको छ । गएको २४ घण्टामा मात्रै ४८ हजार ६३२ जनामा थप संक्रमण देखिएको हो । योसँगै अहिलेसम्म ब्राजिलमा ४० लाख एक हजार ४२२ जनामा संक्रमण देखिएको हो । त्यस्तै अहिलेसम्म एक लाख २३ हजार ८९९ जनाको ज्यान गएको छ । पछिल्लो एकै दिनमा मात्रै एक हजार २१८ जनाको ज्यान गएको छ ।

अहिलेसम्म ब्राजिलमा ३२ लाख १० हजारको सफल उपचार भएको छ भने ६ लाख ६७ हजारको उपचार भइरहेको छ । उपचार भइरहेकामध्ये पनि आठ हजार ३१८ जनाको स्वास्थ्य अवस्था चिन्ताजनक रहेको विश्व स्वास्थ्य संगठनले जनाएको छ । कोरोना संक्रमणको तेस्रो ठूलो मुलुकको रुपमा देखिएको भारतमा अहिलेसम्मकै सबैभन्दा बढी संक्रमण देखिएको छ । गएको २४ घण्टामा मात्रै ८२ हजार ८६० जनामा संक्रमण देखिएको हो । योसँगै अहिले भारतमा कुल संक्रमितको संख्या ३८ लाख ४८ हजार ९६८ पुगेको छ ।

अहिलेसम्म भारतमा ज्यान गुमाउनेको संख्या ६७ हजार ४८६ पुगेको हो । बुधबार मात्रै भारतमा एक हजार २६ जनाले ज्यान गुमाएका थिए । त्यस्तै २९ लाख ६७ हजार ३९६ जना संक्रमित संक्रमणमुक्त भएका छन् भने आठ लाख १४ हजार ०८६ जनाको उपचार भइरहेको छ । उपचार भइरहेकामध्ये पनि आठ हजार ९४४ जनाको स्वास्थ्य अवस्था चिन्ताजनक रहेको भारती स्वास्थ्य विभागले जनाएको छ ।

प्रकाशित समय १०:४४ बजे