कोरोना संक्रमणको तेस्रो ठूलो मुलुकको रुपमा देखिएको भारतमा अहिलेसम्मकै सबैभन्दा बढी संक्रमण देखिएको छ । गएको २४ घण्टामा मात्रै ८२ हजार ८६० जनामा संक्रमण देखिएको हो । योसँगै अहिले भारतमा कुल संक्रमितको संख्या ३८ लाख ४८ हजार ९६८ पुगेको छ । त्यस्तै अहिलेसम्म भारतमा ज्यान गुमाउनेको संख्या ६७ हजार ४८६ पुगेको हो ।

बुधबार मात्रै भारतमा एक हजार २६ जनाले ज्यान गुमाएका थिए । त्यस्तै २९ लाख ६७ हजार ३९६ जना संक्रमित संक्रमणमुक्त भएका छन् भने आठ लाख १४ हजार ०८६ जनाको उपचार भइरहेको छ । उपचार भइरहेकामध्ये पनि आठ हजार ९४४ जनाको स्वास्थ्य अवस्था चिन्ताजनक रहेको भारती स्वास्थ्य विभागले जनाएको छ ।

प्रकाशित समय १०:४८ बजे