कोरोना संक्रमित सुदूरपश्चिमका आन्तरिक मामिला तथा कानुनमन्त्री प्रकाशबहादुर शाहलाई थप उपचारका लागि काठमाडौँ लगिने भएको छ ।

कार्तिक १५ गते कोरोना पुष्टि भएका मन्त्री शाहलाई थप उपचारका लागि हेलिकोप्टरमार्फत् काठमाडौँ लैजाने तयारी भएको उनको निजी सचिवालयले जनाएको छ । मन्त्रीका स्वकीय सचिव जंगबहादुर विकले स्वास्थ्य अवस्थामा सुधार नआएपछि थप उपचारका लागि आज दिउँसो हेलिकोप्टरमार्फत् काठमाडौँ लगिने जानकारी दिए ।

बिहिबार नाकबाट रगत बगेपछि कोरोना अस्पताल भर्ना भएका थिए । १५ गते कोरोना संक्रमण पुष्टि भएपछि मन्त्री शाह होम आइसोलेसनमा बसेका थिए । साँझ सरकारी निवासमा फर्केका मन्त्री शाहलाई आज काठमाडौं लैजान लागिएको हो ।

प्रकाशित समय १३:०० बजे