जिल्ला समन्वय समिति कैलालीका प्रमुख सूर्यबहादुर थापाले आफुले पाउने सेवा सुविधा बापतको तलब गरीब बालबालिकाको शिक्षामा खर्च गर्ने भएका छन ।

शिक्षाको पहुच बाहिर रहेकालाई विद्यालयमा ल्याउनका लागि थापाले पाँच वर्षको तलब गरीब बालबालिकाका लागि खर्च गर्नेछन । जिल्ला समन्वय समिति प्रमुखको नेतृत्व लिएको एक वर्ष पुगेको अवसरमा उनले सो घोषणा गरेका हुन् ।

‘सुरुमा शैक्षिक सामाग्री गरीब बालबालिकालाई वितरण गरेका छौ ।’ उनले भने, ‘एक सय बालबालिकालाई विद्यालयमा भर्ना गराउछु । लाग्ने खर्च तलवबाट व्यहोर्छु ।’

गरीब बालबालिकालाई विद्यालयमा भर्ना गराई टिकाई राख्न खाजाका लागि दैनिक ३० रुपैया र मासिक शुल्क विद्यालयमा जम्मा गरिने उनले जानकारी दिए ।

शिक्षा इकाइका प्रमुख समेत रहेका थापाले भने, ‘जिल्लामा अझै करिव ४ प्रतिशत बालबालिका विद्यालय आउन पाएका छैनन ।

सबैैलाई विद्यालय ल्याउन सवैले लाग्नुपर्छ ।’ उनले ५० भन्दा धेरै बालबालिकालाई शैक्षिक सामाग्री समेत वितरण गरेका छन् । शिक्षाको पहुच बाहिर रहेका गरीब बालबालिकालाइ प्रदेश ७ का सभामुख अर्जुनबहादुर थापाले शैक्षिक सामाग्री वितरण गरेका थिए ।

प्रकाशित समय १३:०६ बजे