नेपालको प्रथम जन निर्वाचित प्रधानमन्त्री बिपी कोइराला स्मृति ट्रष्टले यस वर्षको ‘बिपी सेनानी सम्मान पुरस्कार २०७५’ वरिष्ठ राजनीज्ञ चक्रप्रसाद बास्तोलालाई दिने निर्णय गरेको छ । प्रजातन्त्र स्थापनाको संघर्षमा महत्वपूर्ण योगदान पुयाएको भन्दै बास्तोलालाई यो पुरस्कार प्रदान गर्न लागिएको हो ।

यस्तै ‘बिपी साहित्य सम्मान पुरस्कार’ वरिष्ठ साहित्यकार रोचक घिमिरेलाई प्रदान गरिने भएको छ । एक लाख एक हजार रुपैयाँ राशी रहेको यो पुरस्कार बिपी जयन्तीको अवसरमा बीपी ट्रष्टले आगामी भदौ २२ गते काठमाडौंमा प्रदान गर्ने छ ।

बिपी ट्रष्टका कोषाध्यक्ष पुरुषोत्तम बस्नेतको संयोजकत्वमा ट्रष्टका सदस्यहरु डा. धनुषचन्द्र गौतम र सुशीलमान शेरचनसमेतको सिफारिस समितिले सर्वसम्मत पारित गरेको हो । ट्रष्टले अघिल्लो बर्ष बीपी साहित्य सम्मान पुरस्कार साहित्यतर्फ प्रा.डा. अभि सुवेदी र सेनानी सम्मान दाङका तीर्थराज चैतुलाई प्रदान गरेको थियो । यस वर्ष पनि विशेष समारोहकाबीच पुरस्कार प्रदान गरिने ट्रष्टका कार्यकारी निर्देशक राजेन्द्र पराजुलीले जानकारी दिए ।

प्रकाशित समय १०:०७ बजे