नेपाल कम्युनिस्ट पार्टी (नेकपा)का प्रवक्ता तथा राष्ट्रियसभा सदस्य नारायणकाजी श्रेष्ठले एक वर्षको पारिश्रमिक काेराेना विरूद्धकाे लडाईंका लागि प्रदान गर्ने घाेषणा गरेका छन् ।

उनले एक वर्षाकाे पारिश्रमिकमध्ये २ महिनाको कोरोनाविरुद्धको सरकारी राहत कोष र १० महिनाको विपन्न वर्गलाई दिने घोषणा गरेका हुन् । नेता श्रेष्ठले सामाजिक सञ्जाल ट्वीटरमा ट्वीट गरेका छन्, ‘हामी अहिले कोभिड–१९ र उत्पन्न संकटको सामना गरिरहेका छौं । यसबेला एकतावद्ध भई आ-आफ्नो ठाउँबाट भूमिका खेल्नु जरुरी छ । यस स्थितिमा मैले राष्ट्रियसभा सदस्यको एक वर्षको पारिश्रमिकमध्ये २ महिनाको कोभिड-१९ कोष र बाँकी विपन्न वर्गकेन्द्रित आर्थिक राहत प्याकेजका लागि दिने घोषणा गर्दछु ।’

हामी अहिले कोभिड-१९ र उत्पन्न सँकटको सामना गरिरहेका छौं।यसबेला एकताबध्द भई आ-आफ्नो ठाँउबाट भुमिका खेल्नु जरुरी छ।

यस स्थितिमा मैले राष्ट्रिय सभा सदस्यको एक बर्षको पारिश्रमिक मध्ये २ महिनाको कोभिड-१९ कोष र बाँकी बिपन्न बर्ग केन्दृत आर्थिक राहात प्यकेजका लागि दिने घोषणा गर्दछु।

— NKShresthaPrakash (@nksthaprakash) April 13, 2020

प्रकाशित समय १३:१९ बजे