युरोपियन इमेज एन्ड साउन्ड एसोसिएसन (ईआईएसए)ले ओपो ‘फाइन्ड एक्सटू प्रो’लाई ‘ईआईएसए एड्भान्सड स्मार्टफोन २०२०‑२०२१’ उपाधि प्रदान गरेको छ । ईआईएसए विश्वका सर्वाधिक सम्मानित ६१ कन्जुमर इलेक्ट्रोनिक्स म्यागेजिनहरु समाविष्ट समूह हो ।

ओपोको अत्याधुनिक प्रविधिहरु सुसज्जित फाइन्ड एक्सटू प्रोमा आकर्षक डिजाइनको प्रयोग गरिएको छ, टाक्टाइल भेगन लेदर फिनिससहितको डिजाइन अझ विशेष छ । ‘प्रिमियम प्रतिस्पर्धाभन्दा धेरै माथि यो ओपोको हालसम्मकै सर्वोत्कृष्ट स्मार्टफोन हो,’ इआईएसएले उल्लेख गरेको छ ।

ईआईएसएबाट पहिलोपटक ओपो फाइन्ड एक्सटू प्रोका लागि एवार्ड पाउँदा निकै गौरव महसुस भएको ओपो वेस्टर्न युरोपका अध्यक्ष म्यागी छ्यूले बताएका छन् । ‘प्रयोगकर्तालाई समग्र फाइभजी अनुभव प्रदान गर्ने लक्ष्यका साथ हामी आफ्ना उत्पादनमा स्क्रिन, फोटोग्राफी, चार्जिङ, ब्याट्री लाइफ, डिजाइनलगायतsf हरेक पक्षमा निरन्तर नवप्रवर्तन पस्कने प्रयासमा छौँ । स्पष्ट, सहज र व्यावसायिक ओपो फाइन्ड एक्सटू सिरिजले स्मार्टफोन उद्योगकै क्षेत्रमा नयाँ मानक प्रस्तुत गरेको छ । यसले मोबाइल अन्तर्क्रिया, डिस्प्ले अनुभवलगायतलाई फाइभजी युगका लागि नयाँ प्रस्तुति पस्केको छ,’ उनले भने ।

ओपो फाइन्ड एक्सटू प्रोमा बजारकै सर्वोत्कृष्ट गुणस्तरको १२०एचजेड रिफ्रेस रेटसहितको क्यूएचडी प्लस एमोलेड स्क्रिन जडान गरिएको छ । यसमा अत्याधुनिक फोटोग्राफी अनुभव प्रदान गर्ने सोचका साथ अल्ट्रा भिजन क्यामेरा प्रणाली पनि उपलब्ध गराइएको छ । यसमा सुसज्जित फ्ल्यागसिप क्वालकम(आर) स्न्यापड्रागन (टीएम) ९६५ मोबाइल प्ल्याटफर्म र क्वालकम(आर) स्न्यापड्रागन(टीएम) एक्स५५ फाइभजी मोडेम(आरएफ प्रणालीका साथमा ६५वाट सुपरभोक २.० फ्ल्यास चार्ज (ओपोद्वारा डिजाइन तथा विकास गरिएको)ले प्रयोगकर्तालाई नौलो तथा उत्साहजनक अनुभव प्रदान गर्छ ।

ईआईएसए मल्टिमिडिया प्रविधिका विशेषज्ञहरुको विश्वकै बृहत स्वतन्त्र सहकार्य हो । यसले कन्जुमर इलेक्ट्रोनिक्स बजारका क्षेत्रमा पृथक वैश्विक दृष्टिकोण प्रस्तुत गर्छ । ४० वर्षदेखि ईआईएसए अवार्डले कन्जुमर टेक्नोलोजी खरिदका लागि उपभोक्तालाई विशिष्ट स्वतन्त्र सिफारिस प्रदान गर्दै आइरहेको छ । २९ देशका फोटोग्राफी, होम थिएटर भिडियो, होम थिएटर अडियो, हाईफाई, इन‑कार र मोबाइल इलेक्टोनिक्स म्यागेजिन र वेबसाइटको प्रतिनिधित्व गर्ने ६१ जना विशेषज्ञको टोलीले ईआईएसए अवार्डका लागि विजेताको छनोट गर्ने गर्छन् । यसमा सम्मिलित विशेषज्ञ टोलीले स्वतन्त्र रुपमा काम गरे पनि ईआईएसएको छत्रअन्तर्गत सहकार्य गर्छन् ।

प्रकाशित समय १२:२० बजे