लोकसभा निर्वाचनको मतगणना सकिएसँगै भारतीय प्रधानमन्त्री नरेन्द्र मोदीले पदबाट राजीनामा दिएका छन् ।

नयाँ सरकार गठनका लागि मोदीले राजीनामा दिएका हुन् । ५ सय ४२ सिटका लागि भएको चुनावमा भारतीय जनता पार्टी (भाजपा) ले ३ सय ३ सिट जितेको छ । अब नरेन्द्र मोदी फेरि पाँच वर्षका लागि प्रधानमन्त्री बन्नेछन् ।

आउँदो साता उनले शपथ लिने भारतीय सञ्चारमाध्यमहरुले जनाएका छन् । पुनः प्रधानमन्त्री बन्न उनले शुक्रबार राष्ट्रपति रामनाथ कोविन्द समक्ष राजीनामा बुझाएका हुन । राष्ट्रपति कोविन्दले मोदीको राजीनामा स्वीकृत गरेका छन् ।

शपथअघि मोदी आफ्नो चुनाव क्षेत्र वाराणासी जाने कार्यक्रम रहेको सञ्चारमाध्यमहरुले जनाएका छन् । उनी आफ्नी आमालाई भेट्न जाने पनि बताइएको छ । प्रमुख प्रतिपक्षी भारतीय कंग्रेसले ५२ सिट जितेको छ । लोकसभामा अरू क्षेत्रीय दल र साना पार्टीले १ सय ७ सिटमा जित हात पारेका छन् ।

प्रकाशित समय ०८:५२ बजे