अफगानिस्तानको घाज्नी प्रान्तमा शनिबार सरकारी सुरक्षाफौजले गरेको प्रतिआतंकवादी कारबाहीका क्रममा १५ जना तालिवानी लडाकु मारिएका छन् । प्रान्तीय सरकारले शनिबार जारी गरेको वक्तव्यमा बिहानै कारबाही गरेको र त्यस क्रममा विगतमा आतंकवादी अपराधमा संलग्न व्यक्ति मारिएको उल्लेख छ ।

सुरक्षाफौजले तीन थान एके ४७ बन्दुक, १५ थान म्याग्जिन तथा ५५० थान बन्दुकका गोलीसमेतका हातहतियार पनि बरामद गरेको छ । घाज्नी प्रान्तमा सक्रिय तालिवान समूहले भने उक्त घटनाबारे केही प्रतिक्रिया जनाएको छैन ।

प्रकाशित समय १७:०१ बजे