विश्वभर महामारीको रुपमा फैलिएको कोरोना भाइरसका कारण ज्यान गुमाउनेको संख्या एक लाख ८४ हजार नाघेको छ । बिहीबार बिहानसम्म ज्यान गुमाउनेको संख्या एक लाख ८४ हजार १८६ पुगेको वर्ल्डोमिटरको तथ्यांकले देखाएको छ ।

विश्वभर भाइरसका कारण २६ लाख ३६ हजार ९८९ जनामा संक्रमित देखिएका छन् । यो समाचार तयार पार्नसम्म नयाँ संक्रमण एक हजार २७० जनामा देखिएको छ भने १२० जनाको ज्यान गएको छ ।

विश्व स्वास्थ्य संगठनका अनुसार विश्वभर अहिलेसम्म सात लाख १७ हजार ५२७ जनाको सफल उपचार भएको छ । त्यस्तै १७ लाख ३५ हजार २७६ मा पटक पटकको परीक्षणमा पनि पोजेटिभ नै देखिएको छ भने ५६ हजार ६७६ जनाको अवस्था गम्भीर देखिएको छ ।

सबैभन्दा बढी अमेरिका बढी संक्रमण भएको छ । बिहीबार बिहानसम्म अमेरिकामा ज्यान गुमाउनेको संख्या ४७ हजार ६६३ पुगेको छ, त्यस्तै आठ लाख ४८ हजार ७३५ जनामा संक्रमण देखिएको छ ।

अहिलेसम्म अमेरिकामा ८४ हजार ५० जना संक्रमितको उपचार भएर घर फर्काएका छनु भने १४ हजार १६ जनाको अवस्था गम्भीर रहेको छ । गएको एक घण्टामै अमेरिकामा ४ जनाको ज्यान गएको छ भने १८ जनामा नयाँ संक्रमण देखिएको छ ।

प्रकाशित समय ०७:०० बजे