सोमालियाको सेनाले गरेको सैन्य कारवाहीमा मारिएका इस्लामिक समूह अल सवाबका कमाण्डर नेपाली नागरिक भएको दावी गरिएको छ । अल सवाबका कमाण्डर भनिएका असरफ अज्मी अबु हमदानलाई नेपाली नागरिक भएको अफ्रिका न्युजले लेखेको छ ।

गत बिहीबार दक्षिणी सोमालियाको मध्य जुबा क्षेत्रमा इस्लामिक विद्रोही संगठन अल सवाबविरुद्ध सोमालियाको सेनाले सैन्य कारवाही गरेको थियो । हमदान ईस्लामिक समुह अल सवाबका मुख्य प्रशिक्षक रहेको समाचारमा उल्लेख छ ।

नेपाली भनेर दावी गरिएका हमदानसँगै अल सवाबका अन्य तीन जना लडाकुहरु पनि सैन्य कारवाहीका क्रममा मारिएको बताइएको छ । इस्लामिक संगठन अल सवाबले इस्लामिक सरिया कानुनमा आधारित छुट्टै राज्य स्थापनाका लागि त्यहाँको सरकारविरुद्ध सन २००८ देखि सशस्त्र विद्रोह गर्दै आएको छ ।

प्रकाशित समय १२:३९ बजे